Шундыйларнын берсе Әтнә Эчке эшләр булегендә булып узды. «Студент десанты» акциясе кысаларында биредә авыл хужалыгы техникумы студентларының  эчке эшләр бүлеге хезмәткәрләре белән очрашуы булып узды.

  Очрашуны участок инспекторлары бүлеге җитәкчесе Дамир Һадиев  башлап жибәрде. Ул ел буе эшләнгән эшләргә нәтиҗә ясады, һәм әлбәттә, спиртлы эчемлекләр һәм наркотикларның зарары турында анлатып узды. Әтнә Эчке эшләр бүлекчәсенең ветераннар советы һәм ижтимагый совет җитәкчесе  Эдуард Гарипов студентларга районыбызның данлыклы кешеләре, бүлекнең горурлыгы булган полиция хезмәткәрләре турында сөйләп узды. Үзенең коралларны яхшы белүе, алар турында тулы мәгълүмат бирүе белән студент укучыларыбызны таң калдырды.  Ә чыгышлардан соң балаларның хыялы чынга ашты. Алар  корал һәм Эчке эшләр бүлегендә оештырылган  музей  белән якыннан таныштылар.
Очрашуны Эчке эшләр бүлеге җитәкчесе, подполковник Ленар Мингазов үзенең чыгышы белэн тәмамлады.  Студентларга үзләренең эше никадәр җаваплы булуын анлатып узды һәм балаларның берсеннән берсе уздырып биргән  сорауларына  тулы  жавап­лар бирде.
Кыскасы, студент уку­чыларыбыз бу очрашудан бик канәгать калдылар. Бу очрашуны оештырган район Эчке эшләр бүлеге җитәкчесенә һәм хезмәткәрләренә зур рәх­мәтләрен белдерде­ләр.