Бөек Ватан сугышы тәмамлануга быел 69 ел, шул уңайдан 8 нче май көнне бакчабызда балалар белән  Җиңү көненә карата әңгәмә булып узды.

Бакчабызда икенче кечкенәләр төркеме тәрбиячесе Газизова М.Г. әниләргә математикадан "Геометрик фигуралар иленә сәяхәт" дигән темага ачык оештырылган эшчәнлек күрсәтте. 

30 нчы апрель көнне Бөтендөнья пожарниклар көне уңаеннан бакчабызда Әтнә муниципаль районы МЧС бүлеге хезмәткәре Сафаров Фәнүс Фатхерахман улы балаларыбызга үзенең хезмәте турында сөйләде. Ут афәтенең куркыныч булуын, аны булдырмас өчен ниләр эшләргә кирәклеген аңлатты. Балаларыбыз аны игътибар белән тыңлап сорауларын бирделәр, очрашудан бик канәгать калдылар. 

Матурлыкка омтылу кешегә тумыштан салынган. Моның иң ачык мисалы – бию. Ул кеше хисләре кебек үк барлыкка килгән һәм үскән. 28 нче апрель Халыкара бию көне уңаеннан балаларыбыз, бер-берсенә, өйрәнгән бию үрнәкләрен кулланып бию осталыкларын күрсәттеләр  

Апрель ае – табигатьтә яз. Бөек шагыйребез туган ай. Тукай язы – Тукай бәйрәме. Габдулла Тукай дөньяда бары тик 27 ел гына яшәгән. Шулай булса да, ул гаятъ зур, бәя биреп бетермәслек рухи байлыгын калдырган. Аның тормышы һәм иҗаты халкыбыз тарихында иң яхшы, иң изге сәхифәләребезнең берсе. Габдулла Тукай иҗаты белән балалар бакчадан ук танышлар. Бүген бакчабызда шул уңайдан зурлар төркеменә йөрүче балаларыбыз Г.Тукайның "Су анасы" әкиятен куйдылар. 

Балаларыбыз тәрбияче апалары белән берлектә бакчабызның уен мәйданчыгын сынган агач ботакларыннан арындырдылар. Ахырыдан чиста уен мәйданчыгында рәхәтләнеп уйнадылар.  

Бакчада балаларны табигать белән таншытшыру, аңа мәхәббәт тәрбияләүдә табигать почмагы ярдәм итә. Моның өчен без төркемдә табигать почмагын яңарттык.

12 нче апрель - Космонавтлар көне уңаеннан бакчабызда Галәм һәм космонавтлар белән таныштыру эшчәнлеге узды. 

7 нче апрель көнне зулар төркемендә "Саулык - зур байлык" дигән темага кызыклы шөгыль узды.

3 нче апрель көнне бакчабызда халкыбызның борынгы йолалары белән таныштыру максатыннан “Карга боткасы”  бәйрәме уздырылды.