Якташыбызның 200 еллык юбилеена багышлап Ш.Мәрҗани исемендәге конференция булып узды.

“Милләт өчен бәһа җитмәс кыйбат хәзрәт”-дип яза Г Тукай Шиһабетдин Мәрҗани турында.Дөрестән дә, Мәрҗани- татар халкы өчен югалмас затлы таш.Шуңа күрә аның иҗаты белән бүгенге көндә дә кызыксыналар һәм аны өйрәнәләр. Шиһабетдин Мәрҗани – гаять тирән, төпле белемле зат. Ул татар, төрки телләреннән тыш, гарәп, фарсы телләрен камил белә. Күп кенә хезмәтләрен гарәпчә яза.

Шиһабетдин хәзрәт – энциклопедик галим, күпкырлы шәхес. Аның гыйльми эшчәнлеге күптармаклы: тарих, фәлсәфә, филология, археология, нумизматика, этнография, география, халык иҗаты. Мәрҗанинең утыздан артык хезмәт язуы мәгълүм.

Шиһабетдин Мәрҗани – барыннан да бигрәк бөек реформатор. Татарның, бөтен ислам дөньясының фикере авыр таш белән богаулар салынган бер заманда ул шәхескә фикер иреге, иҗат хокукы таләп итеп чыга. Татарны торгынлык йокысыннан уятучы, уйлау-фикерләү офыгын арттан алга таба, үткәннән киләчәккә таба борып куючы була ул. Бу – татарның, бөтен мөселман дөньясының рухи хәятендә зур үзгәреш була.

Мәрҗанинең бөек каһарманлыгын үз чорында аңлап та, бәяләп тә бетермәгәннәр. Чөнки ул үзе яшәгән мохиттән, җәмгыятьтән күпкә алда барган, югары күтәрелгән шәхес була. Татар әдәбияты классигы, күренекле җәмәгать һәм дәүләт эшрәлеклесе Г.Ибраһимов, 1915нче елда Ш. Мәрҗанинең 100 еллык юбилей уңаеннан язылган мәкаләсендә “Мәрҗани –