8 апрель көнне мәктәбебездә республика күләмендә укучыларның Шиһабетдин Мәрҗани исемендәге фәнни-гамәли конференциясе булып узды.Конференция быел бездә дүртенче тапкыр узды. Анда эш алты секциядә алып барылды.  Әтнә районы укучылары белән беррәттән Саба, Арча, Лаеш, Балтач, Кукмара,Биектау районнарыннан ,Мари Иле республкасыннан , шулай  ук  Габдулла Тукай исемендәге авыл хуҗалыгы техникумыннанн килгән укучылар үзләрнең көчләрен  сынадылар. Кунаклар арасында язучы, драматург, җәмәгать эшлеклесе Рабит Батулла,Татарстан Фәннәр академиясенең Ш.Мәрҗани исемендәге тарих институты өлкән хезмәткәре, тарих фәннәре кандидаты Рамил Әдһәмов,  якташыбыз, тарих фәннәре кандидаты Тәэминә Биктимерова, "Мәгариф" журналының бүлек мөхәррире Таһир Сабирҗанов, Г. Ибраһимов исемендәге тел, әдәбият һәм сәнгать институтының өлкән фәнни хезмәткәре, филология фәннәре кандидаты, доцент Рифат Мирхаев  та бар иде