29 нчы май көнне мәктәп укучылары һәм бакча балалары походка бардылар. Анда балалар өчен күңелле уеннар оештырылды. Көн бик күңелле үтте.

27 нче май көнне балалар Дусым клубында урнашкан Туган як музеена сәяхәт ясадылар. Закирҗанова Энҗе апалары аларга авылыбызның үткәнен бик эчтәлекле итеп сөйләп бирде. Балалар бик кызыксындылар.

26 нчы апрель көнне бакчабызда Габдулла Тукай туган көненә багышланган чара үтте. Балалар Г.Тукайның тормыш юлы, иҗаты белән таныштылар. Бәйрәмгә кунакка Шүрәле, Су анасы килде. Алар балаларга табышмаклар әйттеләр, төрле уеннар уйнаттылар. Балалар аларга Г.Тукай шигырьләрен сөйләп күрсәттеләр. Чара бик кңелле узды.

Бакчабызның барлык ата-аналарга да "Кошларга ярдәм" акциясе кысаларында узган "Җимлек" һәм "Сыерчык оясы" конкурсында катнашканы өчен рәхмәт язуы тапшырылды.

"Кошларга ярдәм" акциясе нигезендә узган чираттагы конкурсыбызга йомгак ясадык. Әтиләребез һәм бабайларыбыз ярдәмендә ясалган сыерчык ояларын әтиләребез белән бергә элеп тә куйдык. Нәни дусларыбызга зур ярдәм булыр дип ышанып калабыз.

Безнең якка яз килгән,
Сыерчык очып килгән.
Матур ояны күргән:
“Мин монда торам”, — дигән,
Кунган оя өстенә,
Үзе чиксез сөенә.
Канатларын кага-кага,
Сайрый ямьле көй генә. 

Сыерчык оялары элгәнне галереядан карый аласыз.

Бар күңеллелек бөтен дөньяда,

Бар бер ямь бүген.

Нәрсәдәндер мин беләм 

Бәйрәм бүген, бәйрәм бүген.

8 Март бәйрәменә карата балалар әниләрен котлап матур җырлар җырладылар, биюләр биеделәр, аулак өй күренешен күрсәттеләр.  Ахырыдан үз куллары белән эшләгән бүләкләрен әниләренә, әбиләренә тапшырдылар.

7 нче март көнне ата-аналар җыелышы булып узды. Анда бакчага түләү системасы белән яңадан таныштырып үтелде. Шулай ук балаларны бакчага йөртү буенча сүз алып барылды. Балаларның тәртипләре, ашау мәсьәләләре карап үтелде. 

Балалар белән саф һавада көн саен төрле уеннар уйныйбыз. Шулардан иң яратканы таудан чана шуу.

Таудан выжылдап шуып төшәбез,

Нәкъ апа торган җиргә җитәбез. 

Ватанны саклаучылар көне белән котлап балалар әтиләренә, бабайларына кечкенә генә бүләкләр ясадылар.

Наш воспитанник Ханафиев Ильвир принял участие во Всероссийском пластилиновом конкурсе "Уши, Ноги и Хвоты",  который проводил Содружественный образовательный проект Развитум и стал лауреатом в туре "Кто таков? Я из сказок и стихов". Воспитательница Ханафиева Лейсан и Ильвир получили дипломы. Поздравляем!