Балаларны балачактан ук үз сәламәтлекләрен сакларга өйрәтү, сәламәт яшәү рәвешенең элементар кагыйдәләрен тәрбияләүгә ярдәм итү бик мөһим. Сәламәт яшәү рәвешен рациональ тукланудан башка күз алдына да китереп булмый. Шуңа күрә ризык тәмле генә түгел, файдалы да булырга тиеш. Ә файдалы ризык - ул, беренче чиратта, яшелчәләр, җиләк-җимешләр.  2 нче уртанчылар төркемендә 18 ноябрьдән 22 ноябрьгә кадәр «Файдалы ашамлыклар - җиләк – җимеш һәм яшелчәләр» проекты гамәлгә ашырылды. Балалар белән бергә  «Яшелчә», «Жиләк -җимеш» демонстрацион материаллар, «Нәрсә ничек үсә?», «Аш пешерәбез» презентацияләрен, «Кыяр маҗаралары», «Антошка» мультфильмнарын карадылар.
Дидактик уеннар һәм күнегүләр үткәрелде: «Могҗизалы капчык», «Тасвирлап бел», «Дүртенчесе артык», «Нәрсә булмады?», «Төркемнәргә бүл», «Нинди яшелчә, җиләк-җимеш икәнен чамалап кара», «Капшап бел», «Кисеп ясалган рәсемнәр». «Охшаш яшелчәне тап», «Күләгә тап», «Тылсымлы әверелү» кебек уен – экспериментлар үткәрделәр.
Режим вакытында балалар үзләренең яраткан яшелчәләрен һәм җиләк-җимеш рәсемнәрен ясадылар.
Әти-әниләр почмагында әниләр һәм әтиләр «Ничек дөрес ашарга?", “ Нәрсә ашау файдалы?» дигән консультацияләр аша файдалы мәгълүмат ала алдылар. 

Ә тематик атна азагында «Куянга ярдәмгә" дигән темага квест – уен үткәреләр, аның барышында узган атнага йомгак ясалды. Балалар уенда актив катнаштылар һәм алган белемнәрен ныгыттылар.