6 февральдә Татарстан Республикасы Фәннәр академиясе, «Татарстан Республикасы Мәгарифне үстерү институты» ярдәме белән Яшел Үзән шәһәренең 26нчы номерлы «Дюймовочка «катнаш төрдәге балалар бакчасы базасында «Балалар бакчасы һәм мәктәпнең дәвамчанлыгы: проблемалар һәм тормышка ашыру формалары " темасына республика семинар – практикумы узды. Семинарда безнең бакча тәрбиячеләре Гарипова С.Ф., Габдрахманова А.Г., Мөхәмәдҗанова Л.Т. катнашып кайттылар. Семинар түбәндәге технологияләр буенча ачык дәресләр белән тәкъдим ителде: тикшеренү, ТРИЗ, БИС.
         Семинарда тәрбиячеләр «Мәктәпкәчә белем бирү учреждениеләрендә БИС-технологияләрне гамәлгә ашыру мөмкинлекләре», «Мнемотехника-мәктәпкәчә яшьтәге һәм кече мәктәп яшендәге балаларны татар теленә өйрәтүдә бәйлелекне үстерү чарасы буларак», «Вальдорф педагогика – мәктәпкәчә яшьтәге балаларга белем бирүдә инновацион технологияләрне куллану», «ФГОС буенча балалар бакчалары шартларында Арт - технологияләр», «Мәктәпкәчә яшьтәге балаларны укыту эшчәнлегендә тирәлекләрне күзаллауны үстерү» дигән мастер-классларда катнашып кайттылар. Бу өлкәдә өйрәнеп кайткан тәҗрибәләр безнең бакчаның тәрбия эшендә дә уңышлы кулланылачак