Бала үзен Кеше итеп тойсын өчен, аңарга милли горурлык, татар теленә мәхәббәт хисе тәрбияләргә кирәк.  Милли киемнәребез белән танышу, гореф - гадәтләребезне барлау аша балаларбызда милли үзаң, милли традицияләргә мәхәббәт тәрбияләргә тырышабыз. Татар халык уеннары, аның җыр - моңнары баланың зиһенен, күңел байлыгын арттыра. Балаларны милли рухта тәрбияләү,  үзебезнең бәхетле киләчәгебезне үстерү - безнең мөһим бурыч. Уртанчылар ( 1) төркеме балалары милли – мәдәни атналык кысаларында  шулар белән  танышып үттеләр.Ә атналыкны йомгаклап ,бакчабызда оештырылган татар почмагына сәяхәт иттеләр.

10 апрель көнне зурлар (1) төркемендә "Балаларның логик фикерләү сәләтен үстерү" дигән темага ата- аналар җыелышы булып узды.Мәктәпкәчә яшьтә бала үзләштергән күнекмәләрнең иң мөһиме - логик фикерләү күнекмәсе, икенче төрле әйткәндә "акыл белән уйлап эш итү сәләте". Шул максатны күздә тотып группа тәрбиячеләре Гарипова С.Ф һәм Исхакова Ф.М.  ата- аналарга: " Балаларның логик фикерләү сәләтен үстерү " дигән чыгыш һәм логик фикерләүне үстерергә ярдәм итә торган төрле интеллектуаль уеннар уйнатты. Әти- әниләр уеннарда бик теләп катнаштылар, үзләренә дә күп мәгълүмат алганнардыр дип ышанып калабыз.