Ватан өчен көрәшкән барлык кешеләрнең хәрби батырлыгына, шулай ук хәзерге геройларга – махсус хәрби операциядә катнашучыларга хөрмәт күрсәтү йөзеннән, 2025 ел Ватанны саклаучылар елы дип игълан ителде. Мәктәбебездә «Не смолкнет слава тех минувших лет» дип исемләнгән китап күргәзмәсе эшләнде. Китап күргәзмәсендә тәкъдим ителгән китаплар кырыс сугыш чоры вакыйгаларын ачып бирәләр, үз көчләрен һәм гомерләрен кызганмыйча, каты сугышларда дошманга каршы аяусыз көрәшкән, Ватан азатлыгын һәм бәйсезлеген саклап калган батырлар турында сөйлиләр. Бөек Ватан сугышында катнашкан бабаларыбызның, райондашларыбызның сугышчан батырлыкларын яктырталар.