29нчы ноябрь мәктәбебездә «Каурый каләм» әдәби иҗат берләшмәсе әгъзалары белән очрашу уздырылды. Очрашуда Д.Абдуллина, Х.Фәйзрахманова, М.Шарапов, Ф.Корбангалиева,Ф.Тимашев, Л.Шәвәлиева катнаштылар. Алар үзләренең иҗатка килү юллары турында мавыктыргыч итеп сөйләделәр, иҗат җимешләре-шигъри әсәрләрен укыдылар, укучыларыбызга үзләренең теләк- киңәшләрен җиткерделәр. Кичә барышында укучыларыбыз шагыйрьләрнең шигырьләрен сөйләделәр, җырладылар. Ә Марсель абыйның тальянын сузып, Филсинә ханым белән җырлап җибәрүләре бәйрәмебезне тагын да ямьләндерде. Үзләреннән мәңгелек мирас иттереп калдырырдай әсәрләрен туган халкына бүләк иткән хөрмәтле язучы-шагыйрьләребез белән бүгенге җылы очрашу һәркемнең күңелендә якты истәлек булып сакланыр дип уйлыйбыз.