Районыбыз Тукай варислары- иҗат әһелләренә бик бай. Бүген, 19 нчы апрель көнне, районыбызда күп еллар эшләп килгән “Каурый каләм” иҗат берләшмәсе  әгъзалары белән күңелле иҗади очрашу булып узды. Хөрмәтле кунакларыбыз : шагыйрә Гөлчирә Нәҗметдинова , шагыйрә Факия Шәрәфетдинова , шагыйрь Дамир Нуриәхмәтов һәм шагыйрь Ринат  Шәрәфиев иде. Очрашу барышында кунакларыбыз укучыларга үзләренең тормышлары, иҗатка килү тарихлары турында кызыклы итеп сөйләделәр, үзләренең иҗат җимешләре –  шигырьләре, яңа китаплары  белән таныштырдылар. Кичә ахырында укучылар үзләрен кызыксындырган сорауларына җаваплар алдылар,  шагыйрь-шагыйрәләребезнең акыллы киңәшләрен  тыңладылар. Бүгенге кебек файдалы очрашулар кабатланып торсын, укучыларыбыз әдәбиятка, иҗатка тагын да ныграк тартылсыннар иде дигән теләктә калабыз.