21 нче февраль - һәр милләт, һәр халык өчен бәйрәм көн – Халыкара туган тел көне.  Туган тел! Һәркем өчен дә газиз сүз. Чөнки иң кадерле “әти”, “әни”, “бабай”, “әби” сүзләрен туган телдә әйтәбез. Туган телебезнең, торган җиребезнең кадерле булуын без иң элек туган тел аша тоябыз. Шул  уңайдан безнең мәктәп укучылары “Казан Арты” музеенда үткәрелгән “Туган телем – иркә гөлем” исемле эчтәлекле әңгәмәдә катнаштылар. Укуылар туган телгә багышланган шигырьләр, җырлар тыңладылар, татар халкының мәкальләре белән киңрәк таныштылар. Туган телләребезне саклыйк, яклыйк, чөнки милләтнең яшәешендә туган тел – татар теле  иң мөһим урыннарның берсен алып тора.