Туган телгә - ана телебезгә мәхәббәт тәрбияләү, телебезне сакларга һәм якларга кирәклеген төшендерү, туган телнең матурлыгын тоярга өйрәтү, милли горурлык һәм милли үзаң тәрбияләү максатыннан 2 сыйныфта  “Туган телем – иркә гөлем” дигән чара үткәрелде. “Кешенең бөтен тормышы тел белән бәйле. Туганнан алып, соңгы сулышына кадәр, тел һәм сүз – кешенең аерылгысыз юлдашы. Безнең туган телебез – татар теле, зур тарихлы, бай, җырлы, моңлы тел ул”, - дип билгеләде укытучылары Р.Ю.Губайдуллина.