15 нче февраль - Совет гаскәрләре Әфганстаннан чыгарылган көн. Шул унайдан Иске Төрнәле мәктәбендә "Әфган сугышы өшетә жаннарны" исеме астында әфганчылар белэн очрашу булды. Бу очрашуга Иске Төрнәле авылыннан Әфганстанда хезмәт иткән Тимашев Фәнис, Хәбибуллин Илнур килде. Исән кайткан солдатлар әле арабызда яши. Әфган егетлэре... Шулай да аларның сафлары елдан-ел сирәгәя. Солдатлар укучыларга үзләренең хезмәт итүләре турында сөйләделәр, аларның сорауларына жавап бирделәр. Орден-медальләренең кайда, ни өчен бирелгән булуы белән таныштырдылар. Фәнис Тимашев әзерләгән "Утта янган яшьлек" исемле документаль фильм каралды. "Ул вакытлар төшкә керәме?" дигән сорауга ул үзе язган "Таулар керә минем төшемә" шигырен укыды. Жир йөзендә сугышлар башка кабатланмасын, яшь егетләрнең гомерләре вакытсыз өзелмәсен, ата-аналар кайгы яше тукмәсен иде, сез дә тыныч тормышның кадерен белеп, тырышып укыгыз дип теләкләрен житкерделәр әфганчылар укучыларга.