Герой-шагыйрь Муса Җәлил − татар шигърияте түрендә якты янган йолдызларның иң зурысы. Аның иҗат җимешләре һәм андагы рухи яктылык − безнең мактанычыбыз һәм горурлыгыбыз. Аның исеме мәдәниятебез тарихының үткәне, бүгенгесе һәм киләчәге белән мәңгегә бәйләнгән. М.Җәлилнең туган көне уңаеннан мәктәптә “Батырлыгы кайтты җыр булып” дип аталган китап күргәзмәсе ясалды. Күргәзмәдә шагыйрьнең фотоальбомнары,  балалар һәм өлкәннәр өчен иҗат ителгән шигырь  китаплары, Муса турындагы  истәлекләре  күргәзмәдә  урын алды.