Габдулла Тукайның 136 еллыгы уңаеннан,  яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау  максатыннан, Русиядә “Халык сәнгате һәм Русия халыкларының матди булмаган мәдәни мирасы елы”, Татарстан Республикасында “Цифрлаштыру елы”  уңаеннан Г.Тукай исемендәге Яңа Кырлай урта гомуми белем мәктәбе базасында “Милләтемнең кояшы син, и моңлы, нурлы Тукай...” исемле иҗади эшләр конкурсы  оештырылды. Конкурста безнең мәктәп укучылары да актив катнашты. Конкурс нәтиҗәләре буенча “Су анасы – Сылубикә”-декоратив-гамәли сәнгать әсәрләре юнәлешендә Галимова Р. (3 сыйныф, укытучысы А.В.Салахова), Гарифуллин К. (4 сыйныф, укытучысы А.Т.Зайнуллина), Урта Пошалым башлангыч мәктәбе филиалының укучысы Шиһабетдинов Ә. (3 сыйныф, укытучысы И.Н.Минһаҗева)  2 урын, Урта Пошалым башлангыч мәктәбе филалының укучысы Шәрәфиева А. (4 сыйныф, укытучысы Г.Р.Шәкүрова) 1 урынга лаек булдылар; “Нәни Апуш Кырлайда” темасына рәсем ясау юнәлешендә Габдрахманов Ә. (5б сыйныф, укытучысы Г.Р.Садыкова) 2 урынга лаек булды. Котлыйбыз!