Мәктәптә Халыкара Туган тел көненә багышланган “Туган телем - иркә гөлем” дип исемләнгән китап күргәзмәсе оештырылды.Тел - халыкның яшәү асылын, гореф-гадәтен, дөньяга карашын, тарихын үзенә сеңдерә барып, аны безнең заманнарга китереп җиткергән зур хәзинә.Туган телебез - иң бай, иң матур телләрнең берсе. Татар теле - үзе бер тылсымлы дөнья. Борын-борыннан мәшһүр акыл ияләре, әдипләр бу көчнең бөеклегенә, нәфислегенә сокланганнар һәм аның җәмгыятьтә тоткан урынын билгеләгәннәр. Халык тел аша чын йөрәктән чыккан матур хисләрен, күңел түрендә яткан тирән кичерешләрен, хыялында гәүдәләнә торган изге теләкләрен белдергән. Элек әби-бабаларыбыз, җир йөзендәге башка байлыклар белән беррәттән, олы тел хәзинәсен дә безгә мирас итеп калдырганнар. Һәр буын ул хәзинәгә үз өлешен керткән, күп сынаулар аша чал тарих аны һәрвакыт эшкәртеп һәм шомартып безнең заманга китереп җиткергән.