Һәр милләтнең үзенә генә хас булган милли уеннары,  гөреф – гадәтләре бар. Һәр кайсы милләт үзенең уеннарын, гөреф-гадәтләрен  саклый һәм аның белән горурлана. Татар халкының иң матур бәйрәмнәренең  берсе “Сабантуй” бәйрәме. “Табигать дуслары” мәктәп яны лагерында балалар өчен  Сабантуй бәйрәме оештырылды.  Мәйданчыкта балалар кыюлык күрсәтеп төрле милли уеннар: капчык киеп йөгерү,чүлмәк вату, кашыкка йомырка куеп йөгерү, су ташу һәм башка бик күп төрле уеннарны намус белән уйнадылар. Бәйрәмдә барлык балалар да актив катнаштылар, ә җиңүчеләргә призлар  тапшырылды. Сабантуй бик күңелле үтте.