28 май көнне 6 сыйныф укучылары Ташкичү авылында танылган дин әһеле, фәлсәфәче, тарихчы, мәгърифәтче, этнограф, археограф, педагог Шиһабетдин Мәрҗанинең туган ягында булдылар. 1821 елдан 1838 елга кадәр биредә ул башлангыч белем ала, аннан дүрт ел дәвамында Ташкичү мәдрәсәсендә укыта. Балалар Мәрҗани музеенда, мемориаль комплекста, мәчеттә,  авылдан ерак булмаган төзекләндерелгән  "Мәрҗани" чишмәсендә булдылар.  “Һәр кеше үзенең җиде бабасын белергә тиеш, - дигәннәр борынгылар. – Шул вакытта гына кеше туган иленең, туган төбәгенең, үз халкының үткәнен яхшы белә”.  Бүгенге заманда Ш. Мәрҗәнинең тормыш юлы һәм иҗатына кызыксынуы арта бара. Аның калдырган мирасы бүген безнең буынга кадәр килеп җиткән икән, димәк без аның истәлекләрен һичшиксез, сакларга тиеш.