Туган телләр һәм халыклар бердәмлеге елы кысаларында 9нчы сыйныф укучылары белән “Якташ язучыбыз” дип исемләнгән әңгәмә үткәрелде. Укучылар язучы тормышы һәм иҗаты буенча белем тупладылар. Язучының “Без - кырык беренче ел балалары” повестен искә төшереп әңгәмә кордылар. Сугыш елларында балалар педагогия училищесына укырга, белем алырга киләләр һәм бик күп авырлыкларга дучар булалар. Алар белемнең киләчәктә үзләренә бик кирәк булачагын бөтен тулылыгы белән аңлыйлар. М. Мәһдиев повесте бу яктан хәзерге заман яшьләренә яхшы үрнәк булып тора. Мөхәммәт Мәһдиев исеме мәңге тарихка кереп калган. Аның әсәрләре үзе яшәгән тирәлектән алынган геройлары кебек үлемсез.