Габдулла Тукай - үзенең берсеннән-берсе матур, тормышчан әкиятләре, шигъри әсәрләре белән балалар күңеленә кереп урнашкан яраткан шагыйребез. Ул, үзе яшәгән авыр чорда да, балалар психологиясен бөтен нечкәлекләре белән аңлаган хәлдә, зур осталык белән  искиткеч гүзәл әдәби образлар тудырган шәхес. Ел саен апрель аенда, бөек шагыйребезне искә алып, аның  геройлары белән без кабаттан очрашабыз: әкиятләрен карыйбыз, шигырьләрен укыйбыз  һәм ул тудырган образларның мәңге үлемсез икәненә тагын да инанабыз.