Нәүрүз көн белән төн тигезләшкән чорга – 21-22 мартка туры килә.Ул көннәрдә бәйрәмнәр , төрле ярышлар үткәрү, тәмле сыйлардан авыз итү –борынгыдан килгән матур гадәт санала. Безнең мәктәбебездә ел саен Нәүрүз бәйрәмен үткәрү матур традициягә әйләнде. Быел да, 20 нче март көнне мәктәбебездә  “Хуш киләсең, Нәүрүз!” исемле бәйрәм үткәрелде. Бәйрәмнең беренче өлешендә укучыларыбыз Нәүрүз әйтү йоласын башкардылар, язга багышлап матур шигырьләр сөйләделәр, җырладылар. Бәйрәмнең икенче өлешендә исә халкыбызның борынгыдан килгән уеннарын уйнадылар, төрле спорт ярышларында  үзләренең көчләрен сынаштылар.Бәйрәм ахырында һәркем карга боткасын авыз итеп, тәмле коймак һәм чәй белән сыйланды. Бәйрәмнән  яхшы кәеф алып, күтәренке күңел белән, укучыларыбыз язгы каникулларга  таралышты.