Туган телләр һәм халыклар бердәмлеге елы кысаларында мәктәптә 2нче сыйныф укучылары белән районыбыз музейлары буйлап дәрес - сәяхәт  үткәрелде. Безнең Арча районы – музейлар ягы. Укучылар республикабызда бердәнбер Әдәбият һәм сәнгать музее, Габдулла Тукайның мемориаль комплексы, Тукаевлар гаиләсенең Кушлавыч авылындагы музей-йорты, дөньядагы бердәнбер Әлифба музее, язучы Мөхәммәт Мәһдиевнең туган җире Гөберчәктәге музее буйлап виртуаль сәяхәт кылдылар. Г.Тукайның тормышы турында күп мәгълүмат тупладылар. Туган төбәкнең тарихы, гореф-гадәтләре, якташ әдипләребез, язучыларыбыз белән  таныштылар.Әйе, чыннан да безнең туган ягыбыз күңелләрдә зур горурлык хисе тудыра.Үз тарихын белгән, татар исемен горур йөрткән киләчәк кешесе, һәрвакыт үткәннәрне хәтерләр. Ә музейлар – бүгенгене үткән белән тоташтыручы күпер ул.