“Халык авыз иҗатының бай тарихы белән таныштыруны дәвам итү максатыннан 9 сыйныф укучылары белән “Безнең уен”  исемле чара үткәрелде (сыйныф җитәкчесе Л.С.Ахметова). Укучылар ике командага (“Мизгел” һәм “Алма”) бүленеп тапкырлыкта, зирәклектә үзләренең көчләрен сынадылар. Аеруча “Алма” командасы җырларның көйләре буенча, җырның исемен әйтәп бирү дигән бирем сорауларына бик тиз җавап таба белделәр. Ә “Мизгел” командасы -   әкият исемен әйтү, йолаларны белү исемле бүлекләрдә күп балл җыйдылар. Нәтиҗәдә, “Алма” командасы “Мизгел” командасын җиңде. “Халыкның сүнмәс таланты белән иҗат ителгән фольклор әсәрләрен без бүген дә яратып укыйбыз. Язучылар, шагыйрьләр, композиторлар һәм рәссамнар өчен исә халык авыз иҗаты әсәрләре бетмәс-төкәнмәс илһам чишмәсе булып тора”, - дип үз фикерен белдерде Галимҗанова А.