“Иң татлы тел – туган тел, анаң сөйләп торган тел,”- ди халык. Туган телнең серләренә, матурлыгына, байлыгына төшенү максатыннан 9 сыйныф укучылары белән “Татар халык фольклоры”  исемле викторина үткәрелде. Укучылар ике командага (“Мизгел” һәм “Туган тел”) бүленеп тапкырлыкта, зирәклектә үзләренең көчләрен сынадылар. Укучылар татар телендә бирелгән  мәкальләрнең ахырын уйлап әйтергә тиеш иде, аларның мәгънәләрен аңлатып бирделәр. Икенче сынау - ул кызыклы сорауларга җаваплар бирү. Алдагы бирем - бер үк хәрефтән башланган сүзләр белән хикәя төзү.  Мәктәп темасына язылган мәзәкләр дә укып киттеләр. Нәтиҗәдә, “Мизгел” командасы “Туган тел” командасын җиңде. Укучылар бу чарадан шундый фикергә килделәр: “Безнең телебез – матур, күркәм тел. Әгәр милләтнең теле кулланылмый башласа, ул юкка чыга. Безнең, киләчәк буынның төп бурычы – телебезне саклау,  һәр сүзнең кадерен белергә өйрәнү”.