Татарстан Республикасы Министрлар Кабинетының карары белән расланган «2014-2023 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын үтәү йөзеннән, иҗади сәләтле укучыларны ачыклау һәм аларга ярдәм итү, балаларда татар халкының рухи мирасы белән кызыксынуны арттыру максатыннан, Татарстан Республикасы Арча муниципаль районы Мәгариф идарәсе “ Театр яктылыкка, нурга илтә” фестивален уздырды. Бу чарада, безнең мәктәптән 4 нче сыйныф укучылары катнашты. Фестивальдә, әниләргә карата шәфкатьлелек, миһербанлылык, мәхәббәт хисләре, кешеләргә карата ихтирамлы, мәрхәмәтле булу сыйфатлары тәрбияләү  максатыннан, “Өч кыз” әкиятен күрсәтеп, 1 нче урынны яуладылар. Киләчәктә дә кечкенә артистларга уңышлар телибез!