Туган тел! Һәркем өчен дә газиз сүз бу. Чөнки дөньяда берни белән дә алыштырып булмый торган “әти”, “әни” , “әби”, “бабай” сүзләрен туган телдә әйтәбез. Туган телебез -татар теле – зур тарихлы, бай, җырлы-моңлы тел... Туган тел атналыгы кысаларында бүген 5 нче сыйныфта “Газиз туган телем” дип исемләнгән интеллектуаль викторина үткәрелде. Уен барышында “Тапкырлар” һәм “Зирәкләр” командалары көч сынаштылар. Укучылар татарча мәкальләр әйтешү, табышмаклар чишү, илебез тарихы, танылган шәхесләре белән бәйле викторина сорауларына җавап бирделәр. Шулай ук тел байлыгын үстерү, сөйләм күнекмәләрен ныгытуга багышланган күнегүләр эшләделәр.