Апрель - Г.Тукайны искә алу, аның иҗатын барлау ае. Ел саен районыбызда, мәктәпләребездә  бөек шагыйребезгә багышланган бик күп чаралар үткәрелә. Быел районыбызда үзенчәлекле яңа  проект старт алды, ул - “Без Тукайны укыйбыз!” әдәби морофоны. Март аенда старт алган бу морофонда безнең мәктәп укытучылары һәм укучылары да бик актив катнаштылар.Бу чараның үзенчәлеге шунда булды: һәр укучы шагыйрьнең үзенә ошаган  китабының теләсә кайсы битен ачып, анда нинди әсәр булса, шуны укыды, яисә яттан сөйләде. Бу эш бик мавыктыргыч килеп чыкты. Әлеге массакүләм чара Тукай иҗатына, аның шәхесенә карата кызыксынучанлыкны тагын да арттыра дигән фикердә калдык.