Балалар китабы атналыгы кысаларында, Театр елы уңаеннан 7 апрель көнне укучылар “Театр дөньясына сәяхәт” дип исемләнгән театр кунакханәсенә җыелдылар. Китапханәче Фахриева Р.Т. татар театрының тарихы, әлеге сәнгать төренең күренекле эшлеклеләре, башкалабыз һәм районыбыз театрлары белән таныштырды. Сихри патша сараен хәтерләткән “Әкият” курчак театрына виртуаль экскурсия укучыларны үзенә җәлеп итте. Г. Камалның “Беренче театр”, Т. Миннуллинның “Әлдермештән Әлмәндәр” легендар спектакльләреннән өзекләр тәкъдим ителде. Киләчәктә дә театр милләтебезне иҗат белән берләштереп, тарихны, туган телебезне, сәнгатьне саклауда халкыбызга тугрылыклы хезмәт итәр дигән өметтә без.