Иске Төрнәле башлангыч мәктәбендә  “Кошлар – канатлы дусларыбыз” дигән кичә уткәрелде. Укучылар кошлар турында табышмакларга җаваплар таптылар.  “Кошларны таныйсыңмы?”, “Ике иҗектән торган кош исемнәре”, “Өч иҗектән торган кош исемнәре” уеннары аша кош исемнәрен тагын бер кат ныгыттылар. Тактада кош рәсемнәре ясап карадылар, “Кошны тавышы буенча таныйсыңмы?” уены аша кош тавышларын аердылар. Кошлар белән бәйле сорауларга җавап бирделәр. Соңыннан кәгазьдән кисеп карлыгачны ясадылар. Үткәрелгән конкурслар буенча иң күп балны 4нче сыйныф укучысы Шигабиев Ислам җыйды. Ул бәйгенең җиңүчесе булып танылды. Табигать туган якларын сагынып кайткан канатлы дусларыбыз җырына күмелде. Кошлар – безнең дусларыбыз. Кошларны саклыйк, оялар ясыйк, җимлекләр элик!