2апрель – Халыкара  балалар китабы көне. Әлеге көннең нәкъ шул датада билгеләнүе  дә очраклы түгел. Ул балалар яратып укый торган  эчтәлекле дә, кызыклы да булган бик күп китаплар авторы, әкиятче Г.Х.Андерсен белән бәйле. Шул уңайдан Иске Төрнәле башлангыч мәктәбендә китапханә белән берлектә кичә үткәрелде. Китапханәче Г.Х.Андерсенның тормыш юлы, иҗаты, китаплары белән таныштырды. Укытучы Фахриева Д.Ф. беренче китапның кайчан басылганы, беренче татар китабының туган көне, балалар китабының кайчан басылуы турында сөйләде. Укучылар китап турында табышмаклар, китап, уку, белем алу турында мәкальләр, әйтемнәрне искә төшерделәр. Китап турында шигырьләр тыңладылар, үзләре дә укыдылар. Китап укучыга киңәшләрне, китапны саклау кагыйдәләрен хәтердә яңарттылар.