9 июньдә Арчаның үзәк стадионында “Бәхетле балачак” бәйрәме узды. Бәйрәм түрендә балалар! Алар безнең нинди сәләтле! Олимпиадаларда катнаша һәм җиңә! Җырлый, бии, рәсем ясый, футбол, волейбол уйный, көрәшә! Ул гынамы, бу бәйрәмдә бөтенрәсәй, республикакүләм олимпиадаларда, конкурсларда, конференцияларда,  бәйгеләрдә җиңүчеләрне котладылар! Сәхнә түренә район башлыгы Илшат Нуриев үзе чыкты, барлык балаларны бәйрәм белән котлады, мондый күңелле бәйрәмне оештыручыларга рәхмәт әйтте һәм иң-иңнәргә (балаларга) Рәхмәт хаты тапшырды. Шул иң яхшы укучылар арасына безнең мәктәп балалры Паранина А. (8 сыйныф), Ибрагимов И. (9 сыйныф), Хафизов Р. (9 сыйныф), Евсеева Э. (9 сыйныф), Галимзянов С. (8 сыйныф), Галимуллина Г (8 сыйныф), Альтапов А. (8 сыйныф), Сибагатуллина Г. (8 сыйныф), Саттаров А. (4 сыйныф), Саттарова С. (1 сыйныф) керделәр.  Кыскасы, бәйрәм шәп булды. Вакыт-вакыт килеп явып киткән яңгырлар да комачауламады. Артыннан ук ялтырап кояш чыкты. Балалар рәхәтләнеп төрле мавыктыргыч, кызыклы халык уеннарында, татарча көрәш ярышларында катнаштылар, бүләкләр алдылар. Балалар иҗат коллективлары матур җырларын, дәртле биюләрен бүләк иттеләр.