”Туган тел” атналыгы кысаларында мәктәбебездә “ Данлыклы якташларым” исеме астында конференция  узды. Конференциянең максаты- укучыларны Арча  төбәгенең иҗат әһелләре белән таныштыру. Арча төбәге күренекле шәхесләргә бай төбәк. Атаклы галим-мәгърифәтчеләр, шагыйрь һәм язучылар төбәгебезнең горурлыгы, мактанычы. Конференция барышында якташ әдип, язучылар иҗаты турында укучылар чыгыш ясадылар. С.Әхмәтҗанова, Р.Галиуллин, М.Фәйзуллина, Р.Җамал, Г.Әдһәм, М.Мәһдиевларның тормыш юллары һәм иҗатлары укучыларда зур кызыксыну уятты. Ахырдан “Без бит -Арча яклары” китабы буенча сәяхәт-презентация күрсәтелде, шигырьләр укылды.