Һәр милләттә исеме телгә алынуга ук ихтирам уята торган шәхесләр була. Муса Җәлил әнә шундый исемнәрнең берсе. Юк, ул исем генә түгел, бәлки тирән мәгънәле символ да. Чөнки бу исемнең синонимнары булып батырлык, кыюлык, каһарманлык, талантлылык, тугрылык, фидакарьлек кебек сүзләр тора. Ул, чыннан да, бу сүзләрнең һәммәсенә лаек кеше. Моның әһәмияте бик зур. Чөнки Муса Җәлил диюгә, М.Җәлилне куз алдына китерәләр. Димәк, ул чын мәгънәсендә халкыбызның бөек шәхесе, горурлыгы. 15 нче февраль көнне мәктәбебездә “Муса Җәлил – шагыйрь-герой” темасына кичә булды. Монда укучылар язучының иҗаты белән таныштылар, шигырьләрен сәнгатьле сөйләделәр. Кичә барышында татар теле укытучылары Л.Г.Дәүләтьярова, Г.Х.Гыйләҗиева укучыларга М.Җәлилнең тормыш юлы турында видеотасма күрсәттеләр.