8нче сыйныф укучысы Фәттахова Зәлидә иҗатка гашыйк кыз. Кече классларда укыган вакытлардан ук төрле юнәлешләрдә үзен сынап карады. Бик матур шигырьләреннән тыш проза юнәлешендәге иҗаты да сокланырлык. Арча укучылар сарае каршында оештырылган “Тукай якташлары” әдәби түгәрәгенә йөрү Зәлидәгә иҗади сәләтен тагын да үстерергә мөмкинлек бирде. Биредә ул журналистика бүлегендә үзен сынап карарга булды. Зәлидәнең ирешкән уңышлары барыбызны да сөендерә. Күптән түгел ул яшь журналистларның Бөтенрәсәй  олимпиадасы муниципаль этабында катнашып «Газета журналистикасы” номинациясендә 2 урынга лаек булды. Зәлидәне чын күңелебездән зур уңышы белән котлыйбыз, алга таба да иҗади уңышлар телибез.