“Тукай һәм туган тел атналыгы» кысаларында 22 нче апрель  көнне мәктәбебездә “Тукай эзләре буйлап” исемле дәрес-сәяхәт үткәрелде. Дәрес барышында 7 нче сыйныф укучылары бөек шагыйребез Г.Тукайның тормыш юлына, иҗатына багышлап төзелгән үзләренең иҗади проектларын якладылар. Укучылар Садриева Г. “Тукай һәйкәлләре”, Галимова А. “ Уральскийда Тукай музее”, Әюпова Д. “Казан шәһәрендә Г.Тукай музее”,  Зәйнуллина А. “Сынлы сәнгатьтә Тукай образы”, Галимҗанов С. “Кырлайда Г.Тукай музее” темаларына иҗади эшләре белән таныштырдылар. Бу көнне укучылар чын-чынлап Тукай эзләре буйлап сәяхәт иттеләр: төрле урыннарда аның якты истәлеген мәңгеләштергән сәнгать һәйкәлләре, музейлары белән таныштылар һәм аның бай иҗади мирасы турында күп мәгълүмат  алдылар.