Бу бәйрәмне 1967 нче елдан алып, Г. Х. Андерсен туган көнендә бөтен дөнья билгеләп үтә.   Балалар китабы көне уңаеннан 5-8 сыйныф укучылары белән "Китап - юл күрсәтүче маяк ул" дигән әдәби кичә уздырылды. Кичә барышында  укучылар китапларның килеп чыгу тарихы, аны язу этаплары белән таныштылар. Китап, белем турында шигырьләр сөйләделәр, язучыларның китап турында әйткән цитаталары китерелде. Балалар “Табышмак әйтәм – җавап тап”, “Мәкальнең ахырын әйт”, “Әсәрне таны” бәйгеләрендә актив катнаштылар,  якташ язучылар, яңа китаплар турында мәгълүмат алдылар. Кичә бик күңелле һәм файдалы үтте.