Бүген -21 нче февраль. Һәр милләт, һәр халык өчен бәйрәм көн – Халыкара туган тел көне. Бу көндә барлык телләр дә тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез. Мәктәбебездә туган тел көненә багышланган күп кенә чаралар булып үтте. Шуның чираттагысы “Туган телем – иркә гөлем” исемле әдәби – музыкаль кичә. Кичәдә Туган илгә, туган телгә багышланган шигырьләр укылды, җырлар җырланды, мәкаль һәм әйтемнәр уены уйналды. 4 нче сыйныф укучыларының татар халык биюе һәм 8 нче сыйныф укучыларының К.Тинчуринның “Зәңгәр шәл” пьесасыннан өзек тәкүдим итүләре кичәнең бизәге булып торды. Бәйрәм  ахырында халкыбызның гимнына әйләнгән " Туган тел” җыры башкарылды.