“ Бик югартын күз салырга башладык әхлакка без,

        Кер күңелдә күплегеннән карадык ак якка без” 

 Бөек шагыйребез Габдулла Тукайның шигри юлларында  күпме мәгънә ята. XX гасыр башында ук язылган әлеге юллар балалар һәм яшүсмерләр арасында эчкечелек, наркомания, урлашу, җинаять кылу кебек күренешләр арта барган хәзерге заманда бикрәк тә актуаль яңгырый. Бу афәтләр каян килеп чыкты соң? Наркомания ни өчен чәчәк ата? дигән сорауларга укучылар бергәләп җавап эзләделәр, һәм үз җавапларын тормыштан алынган мисаллар, күзәтүләргә нигезләнеп дәлилләп күрсәттеләр. Соңыннан “Наркомания – заман чире” дигән фильм карадылар. Тәрбия сәгате барышында укучылар наркоман тормышының нинди куркыныч гадәт, чир икәненә инандылар. Үзләрендә сәламәт яшәү рәвешен булдырып, тормышның ямен, тәмен белеп яшәү кирәклегенә төшенделәр.