Арча Укучылар Сараенда эшләп килүче “Тукай якташлары” әдәби берләшмәсе әгъзаларының чираттагы утырышы 3 ноябрь көнне узды.  8 нче сыйныф укучысы Фәттахова З. мондый очрашуларны түземсезлек белән көтеп ала. Чөнки бу көнне ул  иҗатташ  дуслары белән очраша. Алар үзләре язып  килгән иҗат җимешләрен бер-берсенә укып,үзләренең фикерләре белән уртаклашалар, алга таба эш планнарын төзиләр. Түгәрәк җитәкчесе Зарипова З.М. очрашуларны кызыклы итеп, укучылар өчен файдалы да, тәрбияви дә булырлык итеп оештырырга тырыша. Менә 3 нче ноябрь көнне дә “Тукай якташы” яшь журналистлар клубы укучылары Арча хәбәрләре корреспонденты Гөлсинә Зәкиева һәм язучы Зиннур Тимергалиев белән түгәрәк өстәл артында очраштылар. Очрашу бик эшлекле һәм эчтәлекле булды.