Бүген без бакчабызда татар халкының бөек шагыйре Габдулла Тукайның туган көнен билгеләп үттек, балалар  шагыйрьнең шигырьләрен сөйләделәр, аның сүзләренә язылган җырларны җырладылар.

Дөньяда беренче мәртәбә кешенең космоска оча башлавын билгеләп үтү йөзеннән СССР Югары Советы Президиумының 1962 елның 9 апрельдәге Указы белән 12 апрель Бөтендөнья авиация һәм космонавтика көне дип игълан ителде. 1961 елның 12 апрелендә СССРда, дөньяда беренче булып, кеше утырган корабль космоска очты.Ю.Гагарин утырган “Восток” корабле галәмгә очып, 108 минуттан Җир шарын әйләнеп кайтты.
 

Бүген без бакчабызда Космонавтика көнен билгеләп үттек.Балалар космонавтика үсешенең тарихы,планеталар, кояш системасы турында белемнәрен ныгыттылар, ярышларда көч сынаштылар.

Бу көн - сәламәтлекнең кеше тормышындагы ролен һәм аны ничек сакларга икәнен аңлату өчен уздырыла. Әгәр без үз сәламәтлегебезне кайгыртып яшибез икән – бу безнең дә бәйрәм дигән сүз. Ә сәламәтлек турында һәрвакыт кайгыртырга кирәк. Көндәлек режимны саклау, шәхси гигиена таләпләрен үтәү, физзарядка ясау, саф һавада йөрү, дөрес туклану – болар барысы да сәламәтлекнең нигезе. 

Бүген бакчабызда Нәүрүз бәйрәме булды.

Нәүрүз – язны каршылап, язгы чәчү эшләре алдыннан үткәрелә торган халык бәйрәме ул.
Балаларга кунакка Кыш Бабай һәм Нәүрүзбикә килде. Алар үзара ярыштылар: Кыш бабай бирешергә теләмәде, әмма яз - Нәүрүзбикә җиңү яулады.
Балалар әби-бабайда кунакта булдылар, җырладылар, биеделәр, халык уеннары уйнадылар, милли ризыклар белән сыйландылар.

Әй калфагым, калфагым,
Калфаклар кияр чагым.
Их! Калфактан да кадерлерәк
Бүләк булырмы тагын!

Утар-Аты китапханә мөдире Фәрдия апага безнең кызларыбызга шундый матур калфаклар бүләк иткәне өчен зур рәхмәт!

Бәйрәмегез котлы булсын,

Языгыз тыныч булсын.

Йөзләрегез нурга тулсын,

Кояштай балкып торсын.