Безнең өчен бәйрәм булган шушы олы көн якынлашкан саен, вакыт безне 1913 елның апрель көннәреннән ераклаштырган саен, Тукай безгә тагында якыная, аның шәхесе, тарихтагы урыны безгә тагында олырак, мәһабәтрәк булып күренә. Бу дөньялыкта бары 27 ел яшәп, халык җанына әверелгән Тукайның рухы – бүген дә безне иманга, туган телгә дәшә, моң,  әдәп, әхлакка чакыра. Аның үлемсез иҗат җимешләре, вакыт сынавына бирешмичә, һаман сокландыргыч төстә җемелдиләр, уйландыралар.Бүген безнең "Миләшкәй" балалар бакчасына Тукай кичәсенә авылыбызның китапханәчесе Әнисә апа һәм аның Алабуга югары уку йортында белем алучыулы  Ишмуратов Ранил абыйлары килде.Ранил абыйлары Шүрәлене һ.б. әсәрләрен сөйләгәндә күңелләрне күтәрде.Эчтәлекле чыгышлары өчен кунакларга рәхмәт әйттек.