Максат: Балаларда кошларга карата кайгыртучанлык хисләре тәрбияләү;-эстетик кабул итүләрен,образлы кузаллауларын;-үзлекләреннән сюжет уйлый белүләрен үстерү.
Җир шарында 9600 төрле кош яши. Татарстанда 200 төрдән, кыш айларында 40 лап төр кош очратырга була. Кошлар һавада очарга җайлашканнар. Шуңа күрә алар кеше аягы басмаган урыннарда да яшиләр. Бер илдән икенче илгә, таулар, урманнар һәм диңгезләр аша күчеп китү кошлар өчен авыр түгел. Кошлар бик тиз очалар:
Яр карлыгачы (керәшә) 1 сәг. – 150 км.
Карлыгач – 90 км.
Сыерчык – 80 км.
Карга – 50 км.
Чыпчык – 30 км.
Кошлар зарарлы бөҗәкләрне чүпләп авыл хуҗалыгына зур файда китерәләр. Миллионлаган төп ашлыкны бөҗәкләрдән саклап калалар.Кошларның күзләре, колаклары сизгер. Күпчелек кошлар бер урында гына яшәмиләр. Елның вакытына һәм табигый шартларның үзгәрүенә карап, алар бер урыннан икенче урынга күчеп йөриләр. Бала чыгару өчен җылы яклардан безнең якларга очып
киләләр, Бу кошлар күчмә кошлар дип атала.