Бүген безнең балалар бакчасында экология темасына багышланган " Чәчәкле алан" исемле бәйрәм кичәсе оештырылды. Балалар көче белән әзерләнгән бәйрәм бик күңелле  булды.  Бәйрәмгә  Татарстан Республикасының биологик ресурслар буенча дәүләт комитетының "Ашыт" табигый тыюлыгы белгече Абдрахманова Гөлнара Ильяс кызы, Әхмәтҗанов  Рәшит Зиннур улы һәм  Татарстан Республикасының экология һәм табигый ресурслар министрлыгының төньяк  территориаль идарәсе  белгече Шәймуллина Алия Ринат кызы килде.Килгән кунаклар бик күп бүләкләр тапшырдылар, матур теләкләрен җиткерделәр.

Экология көнендә “Чәчәкле аланда” дигән әкиятне сәхнәләштердек. Әкиятнең максаты:

 -урман, болын чәчәкләре һәм аларның файдасы белән таныштыру;

- табигатькә, үсемлекләргә карата мәхәббәт, сак караш тәрбияләү.

Шулай ук “ Книга экологии”  китабы буенча биремнәр эшләдек, экология темасына рәсем ясадык.

22 апрель- Халыкара Җир көне. Җир шары- ул безнең уртак йортыбыз. Безнең  йортыбызның һавасы саф, суы чиста, туфрагы уңдырышлы булса безнең сәламәтлегебез нык, яшәве рәхәт була. Уртак  йортыбызны саклыйк,кадерлик!

Габдулла Тукайның тормыш һәм иҗат юлы белән танышуны дәвам иттек. Әдәби әсәрләре буенча мультфильмнар карадык.

 Бүген галәмгә беренче мәртәбә юл ачкан тарихи вакыйганы һәм легендар Юрий Гагаринны искә алмаган кеше юктыр. Без космос,  космонавтлар турында белемнәребезне киңәйттек. Төзү материалларыннан һәрберебез үзенә "ракета" ясады.

7 апрель- сәламәтлек көне уңаеннан, эстафеталы уеннар уйнадык, күнегүләр эшләдек. 

1 апрель- көлке көне уңаеннан төрле күңелле уеннар уйнадык, шаярдык

"Дару үләннәре җыю" акциясендә,  каен бөресен җыюда  безнең балалар бакчасында тәрбияләнүчеләр актив катнашты.

Халкыбызның гореф- гадәтләре, йолалары белән танышуны дәвам итәбез.

Бүген бездә зур бәйрәм – Нәүрүз бәйрәме. Нәүрүз ул- Яңа ел , яңа көн дигәнне аңлата. 21 март – яз фасылының көн белән төн тигезләшкән көне. Бу табигатьтә чын – чынлап яз башланган көн. Сезнең барыгызны да әлеге бәйрәм белән кайнар котлыйбыз.