Габдулла Тукайның 140 еллыгын бәйрәм итүне дәвам итәбез. Бөек шагыйребез нәниләрне шигырьләр белән генә түгел, ә искиткеч мавыктыргыч, әдәпкә өйрәтүче әкиятләре белән дә сөендергән язучы. 3 нче В сыйныф укучылары 1 нче сыйныф укучыларына "Су анасы артыннан..." дип исемләнгән Г. Тукай әкиятләренә нигезләнеп төзелгән тамашаны сәхнәләштереп күрсәттеләр. Кичә Г. Тукай шигырьләрен яттан сөйләү белән башланып китте. Укучылар шигырьләрне татар телендә генә түгел чит (инглиз) телендә дә сәнгатьле итеп сөйләделәр. "Бәйрәм бүген" җырын күмәк башкардылар.