Габдулла Тукай - татар халкының танылган шагыйре, безнең якташыбыз.Аның тормышын, иҗатын кабатлау максатыннан, 5 нче "А" сыйныфы укучылары белән "Тукай эзләре буйлап" дип исемләнгән ачык дәрес үткәрдек. Дәрес командаларга бүленеп, уеннар уйнатып, сораулар биреп алып барылды.Иҗатына аерым басым ясап, шигырьләр укылды, рәсемнәр ясалды.Дәрескә уңай бәя бирелде. Г. Тукай иҗатын укучылар беләләр, яраталар дигән нәтиҗә ясалды.