Ел саен 3 нче декабрьдә Россиядә Халыкара мөмкинлеге чикләнгән кешеләр көне билгеләп үтелә. Шул декада уңаеннан безнең лицейның "Күңелле сәхнә" театр түгәрәгенә йөрүче 6 нчы "А" сыйныфы укучылары Арча муниципаль районы "Өмет чыганагы" ТР МТЗ һәм СЗ мөмкинлекләре чикләнгән балалар һәм яшүсмерләр өчен тернәкләндерү үзәгендә кунакта булып кайттылар. Алар Г.Тукай әсәрләреннән төзелгән "Кәҗә белән Сарык маҗаралары" дигән спектакль тәкьдим иттеләр. Ахырдан мәрхәмәтлек символы булган йөрәк формасындагы кул эшләнмәләрен бүләк итеп калдырдылар. Бу үзәктә тәрбияләнүче балаларга спектакль бик ошады. Кәефләрен күтәрү өчен җырлау, тормыш хәлләре турында сөйләшү, гади генә әйберләр бүләк итү дә аларга уңай йогынты ясый. Алар да аралашуга мохтаҗ, аларның да үз фикерләрен белдерәселәре килә. Күңелләребездә мәрхәмәтлелек тамчыларына һәрчак урын булсын иде!