13 нче ноябрь көнне безнең лицеебызда Бөтенроссия “Туган тел” форумы делегатлары кунак булып китте. Россия Федерациясенең 28 регионыннан килгән татар теле һәм әдәбияты укытучылары, мөселманча белем бирү оешмалары вәкилләре Арча районында татар телен укыту торышы белән танышырга килгәннәр. Лицеебызда ана телен укытуга бәйле педагогик останәләр булып узды. Шулай ук укытучылар өчен татар милли бизәкләрен төшерү, татар халык ашларын әзерләү, татар декоратив-гамәли сәнгате буенча осталык дәресләре оештырылган иде. Кунаклар укытучыларның осталык дәресләрен, җыр-биюле чыгышларын, балаларның матур итеп татар телендә сөйләшүләрен сокланып та, горурланып та күзәтеп тордылар. Барлык кунаклар да үзләренә зур тәҗрибә туплап, лицеебыз укытучыларына зур уңышлар теләп, яхшы кәеф белән күтәренке рухта таралыштылар.