3 нче октябрь көнне «Арча” спорткомплексында 2008-2009 нчы елгы егетләр арасында волейбол буенча ачык турнир булып узды. Ярышларда Кукмара, Әтнә районнарыннан  берәр команда һәм үзебезнең 2 команда катнашты. Һәрбер команда үзара очрашып чыкты. Ярыш кискен барды. 1 урынга, барлык командаларны да отып, Кукмаралылар чыкты. 2 нче урында – Әтнә районы командасы. 3-4 урыннарны Арчалылар бүлеште. Арча районы командалары составында Иске Чүриле, Кәче, Казанбаш мәктәпләре укучылары уйнады. Тренерлары Сафин Р.И., Гатауллин Н.Ш. Бу  егетләр алда республика беренчелегендә катнашачаклар. Аларга алдагы уеннарда уңышлар телибез.