27-29 нчы февраль көннәрендә  Мамадыш районы Түбән Ошма авылында 2004-2005 һәм 2006-2007 нче елгы үсмерләр арасында көрәш буенча Татарстан беренчелеге узды.

       “Сабантуй” журналы призларына уза торган Татарстан беренчелеге өченче тапкыр инде 13-14 һәм 15-16 яшьлекләр арасында оештырыла. Димәк, бер көрәшче егет күп дигәндә 4 тапкыр “Сабантуй” чемпионы булып танылу мөмкинлегенә ия. 

      Иң мөһиме: балалар арасындагы ярышларга җитди мөнәсәбәт сизелә. Көрәш мәйданында чыныгып үскән яшь батырлар – милләтебезнең киләчәге, якыннарының кыю яклаучысы. Көчле, кыю, максатчан татар егетләрен мавыктыргыч мәйдан көтә!

       Бу ярышларда 18 яшүсмердән торган  Арча районы җыелма командасы да катнашты. Быел  ярышларда катнашучылар саны рекорд куйган: 44 командадан 590 үсмер бил алыша. Келәмдә һәр үлчәү авырлыгында да көчле көрәш барды. 2006-2007 нче елгылар арасында Шакиров Ильяс (Шушмабаш мәктәбе, тренеры Саляхов М.Р.) 3 нче урынны яулады.  Шакиров Булат (6 нчы мәктәп) һәм Ларин Руслан (Шушмабаш мәктәбе) 5 нче урында. Арча районы командасы бу группада 8 нче урында.

      2004-2005 нче елгылар арасында Муратов Динияр (Арчаның 6 нчы номерлы мәктәбе, тренеры Хидиятуллин Ф.Ф.) 2 нче урында, Салахутдинов Ралиф, Абдеев Салават (Арчаның 6 нчы номерлы мәктәбе, тренеры Хидиятуллин Ф.Ф.) 3 нче урында. Яңа Кырлай мәктәбеннән Ранил Хәйретдинов (тренеры Саляхов М.Р.) үз улчәү категориясендә  шулай ук 3 нче урынны яулады. Иске Чүриле мәктәбеннән Маланчев Айнур- 7 нче урында.  Арча районы командасы 6 нчы урында.